Një emër i futbollit shqiptar ka përfunduar pas hekurave, fill pas arrestimit të para disa ditëve të Armir Grimës, si pjesë e grupit të Bajrajve të Shkodrës. Bëhet fjalë për arbitrin nga Lezha, Paulin Simoni.
Ai ka dalë në përgjimet e prokurorisë për rastin e ish-deputetit socialist Arben Noka dhe familjarëve të tij, të cilët akuzohen për tjetërsim pronash, falsifikim vulash e dokumentesh zyrtare.
Arbitri i arrestuar Paulin Simoni
Pas seancës së Gjykatës së Krimeve të Rënda për masën e të arrestuarve në kuadrin e operacionit "VOL-VO4", anësori i njohur i Superiores është arrestuar dhe ka mbetur në burg. Arbitri dyshohet i lidhur me grupin kriminal Avdylaj të Shijakut, që akuzohet për trafik droge dhe si porositësit e laboratorit të heroinës në Has.
Sa i takon rastit të trajnerit të kombëtares së femrave, Armir Grima, fati i tij mbetet për t'u zbuluar.
Komente
