'Futbollistët e Crvena Zvezda nuk luajtën shumë mirë', serbët ua vënë fajin gazetareve shqiptare

Sipas gazetës serbe, gazetaret provokuese të Shqipërisë e kanë fajin për lojën e dobët të futbollistëve të ekipit serb Crvena Zvezda.

Redaksia

27 Gusht 2020, 10:26| Përditesimi: 27 Gusht 2020, 10:33

"Gazetaret magjepsëse shqiptare ishin pështypja më e fortë në stadiumin në Tiranë", kështu e nis artikullin gazeta serbe "Kurir".

Sipas artikullit, lojtarët e Zvezda nuk luajtën shumë mirë, pavarësisht se ia arritën qëllimit dhe të kthehen në Beograd me fitore.

LEXO edhe...
Kuvendi riktheu gazetarët në seancë plenare, kusht që të jenë të vaksinuar ose të paraqesin test negativ COVID

"Asnjë incident nuk u regjistrua në stadium. Ndeshja u luajt pa praninë e audiencës dhe organizatorët u siguruan që gjithçka në fushë të shkonte sa më mirë. Pjesëmarrësit në ndeshje mund të provokoheshin vetëm nga gazetaret shqiptare, të cilat dogjën stendat e stadiumit në Tiranë", thekson artikulli.

Gazeta "Kurir" shkruan gjithashtu se "gazetaret provokuese nga Shqipëria ndezën imagjinatën e lojtarëve në fushë. Ndoshta ato janë arsyeja pse lojtarët e Zvezda dukeshin të hutuar gjatë pjesës më të madhe të ndeshjes. Nëse po, ne i kuptojmë plotësisht ato."