Kush dëshiron të kandidojë për të qenë drejtor i përgjithshëm i Radio Televizionit Shqiptar, mund ta bëjë këtë deri më 15 prill. Këshilli i ri Drejtues i televizionit publik vendosi me të gjithë votat e anëtarëve të rrëzojë procedurën e mëparshme për zgjedhjen e Drejtorit të Përgjithshëm të Radio Televizionit Shqiptar.
Po në këtë mbledhje të mbajtur këtë të martë Këshilli drejtues vendosi të rihapë garën me procedurat që rinisin nga e para, që do të thotë se edhe kandidatët që ishin pjesë e garës së vjetër, duke të aplikojnë përsëri.
Brenda këtij afati të interesuarit do të duhet të paraqesin pranë Radio Televizionit Shqiptar dokumentet e kërkuara dhe më pas në një mbledhje të dytë Këshilli Drejtues do t’i shqyrtojë ato.
Në fillim të këtij viti, PS dhe PD bashkuan votat në Kuvend dhe shkarkuan të gjithë Këshillin Drejtues të kryesuar nga Leka Bungo, për shkak të shkeljeve që ata bënë për përzgjedhjen e drejtorit të ri të RTSH.
Komente
