Kronikë

Ishte në kërkim se shiti fileto pule me salmonelë, ndalohet pronari i ‘AMG Food’! Do hetohet në gjendje të lirë

Për sasinë e konsiderueshme të mishit të pulës që shiti në treg edhe pse ishte me bakterin e salmonelës, policia ka ndaluar pronarin e kompanisë që e importoi nga Brazili. Arben Goxhe ishte i shpallur në kërkim, ashtu si edhe vëllai i tij dhe 3 inspektorë të AKU-së, ai do të hetohet në gjendje të lirë.

4 Prill, 09:38| Përditesimi: 4 Prill, 13:50

  • Share

Policia e Tiranës ka ndaluar Arben Goxhen pronarin e kompanisë AMG Food, i cili më 11 mars importoi nga Brazili gati 8 tonë mish pule të kontaminuar me salmonelë, që përfundoi në treg duke rrezikuar shëndetin e qytetarëve dhe që ende nuk është tërhequr e gjithë sasia.

Arben Goxha i cili u shpall në kërkim më 29 mars  akuzohet për shitje, importim,ruajtje e ushqimeve të rrezikshme për shëndetin ose jetën e njerëzve'. Sipas njoftimit të bluve 50-vjeçari do të hetohet në gjendje të lirë.

"Specialistët e Seksionit për Hetimin e Krimit Ekonomik dhe Financiar ndaluan shtetasin Arben Goxha, 50 vjeç, të shpallur në kërkim për veprën penale “Importimi, prodhimi, shitja dhe ruajtja e ushqimeve të rrezikshme, për shëndetin ose jetën e njerëzve. Pas konsultimit me prokurorin, u vendos procedimi në gjendje të lirë i këtij shtetasi", informoi sot policia.

Përveç Goxhes nën hetim është edhe vëllai i tij, Mondi Goxhe, pronar i kompanisë “Dimal” që merr mishin e papërpunuar të pulës nga AMG për të prodhuar produkte të ndryshme dhe 3 inspektorë të AKU-së.

Inspektorët, Gëzim Hushi, Sada Lufta, Aldo Sinjari akuzohen për shpërdorim detyre, pasi sipas policisë lejuan futjen në treg të mishit me bakterin e salmonelës.

Mishi i pulës mbërriti në portin e Durrësit më 11 mars. Në një kontroll rutinë AKU mori mostra për t’i analizuar, dhe thotë se njoftoi kompaninë AMG Food, të mos e nxjerrë produktin nga kontejnerët frigoriferikë në port, deri në daljen e përgjigjes, të cilën laboratori i ISUV e nxori më 21 mars.

Skandali është se konsumatori u njoftua nga AKU 1 javë pas analizave që faktuan prani të salmonelës në mishin e pulës, ndërkohë që edhe sot AKU e ka mbajtur të fshehtë emrin e kompanisë që e importoi, të cilën Report Tv e zbuloi përmes burimeve konfidenciale. AKU referoi për hetim në Prokurorinë e Tiranës kompaninë, për mosrespektim të kritereve të gjurmueshmërisë dhe dhënie të informacionit të pasaktë pasi ka dyshime se të tjera sasi importonte nga jashtë e të tjera deklaronte.

Xh.K/ReportTv.al
Komento

Komente

  • dori: 04/04/2025 13:55

    Mos e dënoni se ska bo ndonjë gjë të madhe popullin ka helmuar....këto janë gjykatat në këtë vend.....mos u habisni....

    Përgjigju
  • RUDI: 04/04/2025 13:48

    NE GJENDJE TE LIRE!!! NE VEND TJETER DO E KISHIN VAR NE MES TE SHESHIT!

    Përgjigju
  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?