Kryeministri Edi Rama deklaroi sot në konferencën e fundvitit për gazetarët (Lexo këtu) se është gati nënshkrimi i kontratës për ndërtimin e hekurudhës Tiranë-Durrës, ndërsa ajo e mallrave Fier-Vlorë tashmë ka nisur. Hekurudha e re do të ketë edhe një degëzim në drejtim të Rinasit.
"Po hekurudha Tiranë-Durrës e dini që është gati nënshkrimin i kontratës. Po hekurudhën Fier-Vlorë për mallra ka nisur", tha Rama, duke vlerësuar punën e ministrit në detyrë Damian Gjiknuri i cili do t'i lërë vendin Belinda Ballukut.
Pikërisht buxheti i vitit 2019 parashikon edhe nisjen e investimit për rehabilitimin e hekurudhës Tiranë- Durrës. Hekurudha do të ketë ndikim të madh pasi rrija e transportit hekurudhor të njerëzve, por sidomos mallrave do i japë mundësi porteve të përpunojnë volume më të mëdha mallrash për vendet fqinje.
Komente
