Bakllava role me fistik dhe kakao
Përbërësit:
1 pako peta
150 gr gjalpë
250 gr fistik të grirë
100 gr kakao
Për sherbetin:
2 gota sheqer
1 gotë ujë
2 gota qumësht
Vanilje
Përgatitja:
Petën e lyejmë me gjalpë të shkrirë dhe e pudrosim me kakao dhe fistikët e bluar. E mbledhim role me ndihmën e një okllaie, e shtypim nga skajet derisa të formohen pala dhe rrudha si të dredhanikut. I rradhisim në tavë dhe i lyejmë me gjalpin e mbetur. I vendosim në furrë të parangrohur në temperaturën 170 gradë për 40 minuta derisa të marrin ngjyrë.
Ziejmë sherbetin per rreth 2 minuta dhe e lemë të ftohet. Më pas shtojmë qumështin e ftohtë së bashku me vaniljen.
Sapo të dalin bakllavatë nga furra të ngrohta i sherbetosim me sherbetin e ftohtë (mirë është që bakllavatë t’i presim para se t’i vendosim në pjekje).
