Keku me rrush të thatë i krishtlindjes
Përbërësit:
500 gr miell që fryhet
4-5 kokrra vezë
240 gr gjalpë i shkrirë
500 gr fruta të thata si rrush, kajsi, boronicë, kumbulla
50 gr fistik të grirë
100 gr sheqer i bardhë
100 gr sheqer pluhur
1 lugë kanellë
½ lugë sodë buke
1 bustinë vanilje me rum
1 gotë lëng portokalli
1 gotë lëng limoni
Përgatitja:
Tresim në një tigan gjalpin dhe vendosim frutat e thata me sheqerin e bardhë dhe lëngun e portokallit. I lemë të ziejnë për 4-5 minuta. E kalojmë masën në një tas të madh dhe e lemë të ftohet në temperaturë ambienti.
Pasi masa të jetë ftohur hedhim në të miellin, sodën e bukës, sheqerin pluhur, kanellën, lëngun e limonit, vaniljen. Rrahim vezët mirë dhe i hedhim tek masa e brumit. I përziejmë të gjithë përbërësit së bashku derisa të formohet një brumë i butë.
Brumin e vendosim në një formë keku të lyer me gjalpë. Mbi të shtojmë fistikët dhe e vendosim të piqet në furrë të parangrohur në temperaturën 180 gradë për 25 minuta.
