Makarona me salcë dhe qofte shtëpie plot shije
Përbërësit:
1 pako makarona
1 qepë
2-3 lgj vaj ulliri
1 gotë salcë domateje
1 dorë bizele
1 gotë qumësht
7-8 domate qershi
Kripë, piper
Djathë kaçkavall
Për qoftet:
300 gr mish i grirë
1 qepë
2 thelpinj hudhër
Vaj ulliri
Uthull
Kripë, piper
Përgatitja:
Fillimisht përgatisim brumin e qofteve, e lemë pak të pushojë dhe më pas formojmë qofte të vogla sa një kokërr arre dhe i skuqim lehtësisht nga të dy anët.
Në një tigan të madh me bazë të gjerë kaurdisim me vaj ulliri një qepë të grirë imët. Sapo qepa të bëhet transparente shtojmë salcën e domates dhe bizelet, vazhdojmë kaurdisjen për 2-3 minuta dhe më pas vendosim makaronat dhe qoftet e vogla. Bëjmë një trazim të lehtë me lugë druri duke shtuar pak ujë dhe 1 gotë qumësht. Rregullojmë shijen me kripë dhe piper dhe i lemë makaronat me qofte të gatuhen me kapak gjysmë të mbyllur. Në minutën e fundit shtojmë domatet e vogla dhe djathin e grirë kaçkavall dhe i servirim menjëherë të ngrohta.
