Perime me mish dhe makarona yje
Përbërësit:
2 kofsha pule
1 lgj miell
1 lgj vaj ulliri
1 lgj gjalpë
1 qepë
3 thelpinj hudhër
2 karrota
1 spec i kuq
1 kungull
1 patëllxhan
200 gr bishtaja
3-4 domate qershi
1/2 fk verë të bardhë
1 tufë majdanoz
rozmarinë, kripë, piper
Përgatitja:
Racionet e mishit të pulës i kalojmë pak në miell dhe i skuqim lehtë me pak gjalpë. Më pas shtojmë tek mishi i pulës qepën e grirë imët, 2-3 thelpinj hudhër, kripë, piper dhe rozmarinë. Vazhdojmë kaurdisjen për disa minuta dhe më pas e shuajmë me verë të bardhë. Sapo të avullojë alkooli shtojmë të gjitha perimet të prera në kubikë të mëdhenj. Gjatë kaurdisjes shtojmë domatet. E lemë mishin me perime të gatuhet për rreth 30 minuta në temperaturë të ulët.
Ndërkohë përgatisim makaronat yje të skuqura. Vendosim vajin të ngrohet, hedhim makaronat dhe i skuqim mirë. Pasi makaronat të kenë marrë ngjyrë shtojmë ujë derisa makaronat të mbulohen. Rregullojmë shijen me kripë dhe piper dhe i lemë me kapak mbuluar derisa të përthithet uji.
Pasi gatimi të ketë përfunduar e servirim duke vendosur në qëndër makaronat dhe anash pulën me perime.
