Receta

Gatime nga zonja Albana, Speca të mbushura me djathë

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

12 Tetor 2021, 10:32| Përditesimi: 12 Tetor 2021, 10:34

  • Share

SPECA TË MBUSHURA ME DJATHË

Përbërësit:

6 speca të gjatë (jeshile dhe të kuqe)

1 domate e grirë në rende

1 thelpi hudhër

½ lugë kafeje rigon

1/3 filxhan çaji vaj ulliri

½ tufëz nenexhik

Kripë, piper

Për mbushjen:

400 gr djathë i bardhë

100 gr djathë kaçkavall

1 domate e grirë në rende

Spec i kuq pluhur

Kripë, piper i zi

Përgatitja:

Fillimisht lajmë dhe thajmë specat, më pas largojmë farëzat dhe membranën.

Përziejmë domaten e grirë në rende me hudhrën e shtypur, rigonin, nenexhikun, kripën dhe gjysmën e sasisë së vajit të ullirit. E vendosim këtë masë në një tavë duke e shpërndarë me lugë druri.

Në një tas përziejmë të gjithë përbërësit e mbushjes: djathin e bardhë të thërrmuar, djathin kaçkavall të grirë në rende, domaten gjithashtu të grirë në rende, kripën, piperin e zi dhe piperin e kuq. Me masën e përgatitur mbushim specat me një lugë të vogël dhe i vendosim në tavë ku kemi shtruar salcën e domates. I spërkasim me pjesën tjetër të vajit të ullirit dhe i vendosim të piqen në furrë në temperaturën 180 gradë për 30 minuta.

 

MC/ReportTv.al
Komento
  • Sondazhi i ditës:

    Ilir Meta sulmon kreun e SPAK, si e vlerësoni?