Tavë me patate dhe mish të grirë
Përbërësit:
1 kg patate
400 gr mish i grirë
1/2 gotë verë të kuqe
1 qepë
2 thelpinj hudhër
400 gr domate
djathë kaçkavall
piper i kuq
piper i zi
rigon, kripë
majdanoz
Përgatitja:
Lajmë patatet dhe i presim në formë hëne, më pas i skuqim pak në tigan. Në një tenxhere vendosim mishin e grirë, qepën e grirë imët dhe hudhrën. I kaurdisim për pak minuta dhe më pas e shuajmë mishin me pak verë të kuqe. Sapo të avullojë alkooli shtojmë purenë e domates. Rregullojmë shijen me kripë, piper dhe e lemë salcën të marrë valë për rreth 7 minuta.
Në një tavë vendosim patatet dhe salcën me mish të grirë. E mbulojmë me djathë të grirë, bishta qepësh të njoma, rigon dhe pak vaj ulliri. E vendosim tavën në furrë në temperaturën 200 gradë Celsius për 15 minuta.
