Supë e mëndafshtë me speca të kuq
Përbërësit:
1 kg speca të kuq
1 qepë
2 thelpinj hudhër
1 lç piper
1 patate
4 lgj vaj ulliri
1 lç koncentrat
lëng pule ose buljon perimesh
majdanoz
kos për servirje
Përgatitja:
Vendosim specat e kuq të spërkatur me pak kripë në furrë për 30 minuta në 180 gradë. Pasi specat të jenë pjekur i vendosim në ujë ose celefon që të zbuten dhe të largojmë lehtësisht lëkurën. Më pas i pastrojmë nga farat dhe i presim hollë.
Në një tenxhere ngrohim vajin e ullirit dhe kaurdisim qepën, hudhrën, pataten dhe specat. Shtojmë buljonin dhe e lemë supën të ziejë për 30 minuta. Nga fundi shtojmë 1 lugë çaji koncentrat, më pas e vendosim supën në blender dhe e kthejmë në krem. E servirim me majdanoz të grirë imët dhe me nga një lugë kos.
Komento
