TAVË PESHKU (SHKODRANE)
Përbërësit:
500 gr peshk
50 gr miell
200 gr qepë
100 ml salcë domate
1 gjethe dafine
50 ml vaj ulliri
25 g uthull
4 thelpinj hudhër
1 tufë majdanoz
Kumbulla të thata
Kripë, piper
Përgatitja:
Pastrojmë peshkun dhe e ndajmë në racione. I kalojmë racionet në një pjatë me miell dhe bëjmë një skuqje të lehtë në sipërfaqe.
Ndërkohë përgatisim salcën duke filluar me kaurdisjen e qepëve të cilat i kemi prerë trashë, jo hollë. Shtojmë më pas thelpinjtë e hudhrës (të pa prera), salcën e domates, gjethen e dafinës, kripën dhe piperin. Vazhdojmë kaurdisjen për 2-3 minuta sa salca të lidhet pak dhe më pas e kalojmë të gjithë gatimin në tavë ku vendosim racionet e peshkut dhe disa kumbulla të thata. E vendosim tavën në furrë të parangrohur në temperaturën 180 gradë për rreth 30 minuta.
Në momentin që e servirim tavën e peshkut grijmë majdanoz të freskët.
