Gatime nga zonja Albana, Tortë me arrë kokosi

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

10 Dhjetor 2021, 11:27| Përditesimi: 10 Dhjetor 2021, 12:26

  • Share

TORTË ME ARRË KOKOSI

Përbërësit

Për kremin e kokosit:

250 ml qumësht

150 gr kokos

400 gr krem djathi

100 ml ajkë

100 gr sheqer pluhur

1 bustinë vanilje

10 gr pluhur xhelatine

Për bazën e tortës:

200 gr biskota

100 gr gjalpë

Përgatitja

Fillimisht vendosim xhelatinën të tretet me pak ujë.

Ndërkohë tek ena ku kemi vendosur qumështin shtojmë 100 gr arrë kokosi dhe e trazojmë mirë. Kremin e djathit e bashkojmë me ajkën e ëmbël, sheqerin pluhur, vaniljen dhe pjesën e mbetur të arrës së kokosit. Kësaj mase i shtojmë qumështin me kokos dhe xhelatinën e tretur.

Përgatisim bazën e ëmbëlsirës. Thërrmojmë biskotat dhe i përziejmë me gjalpë të zbutur derisa të formojmë bazën e tortës. Mbi bazën e biskotave vendosim kremin e kokosit dhe e lemë tortën të mpikset.

MC/ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?