Gazetari Elton Qyno ka ankimuar në Apelin e GJKKO-së vendimin për kontrollin e banesës dhe po ashtu kërkon që t’i kthehen sendet personale që i janë sekuestruar nga SPAK. Gazetari Qyno bëri sot ankimin në Apel në prani të avokatit të tij, Dorian Matliaj.
Ky i fundit tha për mediat se për telefonat nuk ka asnjë procesverbal për bllokimin e tyre, ndërsa shtoi se burimet e gazetarit në këtë rast janë në rrezik.
“Është shumë e rëndë dhe mbi të gjitha janë në rrezik burimet e konfidencialitetetit të gazetarit me të gjithë sekretet që ai ka në punën e tij. Në ky vendim do vazhdojë të qëndrojë në fuqi, nëse sekuestrot do ekzekutohen, të dhënat do nxirren, do bëhen pjesë e dosjeve, atëherë burimet nuk do të kenë më besim tek gazetarët të punojnë nesër dhe ky është grushti më i rëndë që i jepet lirisë së shprehjes përmes standardit kaq brutal që vendos Gjykata e Posaçme e shkallës së parë”, u shpreh avokati Dorjan Matlia.
Në një deklaratë për mediat, Qyno tha se shpreson që Apeli të ndërgjegjësohet dhe t’i kthejë materialet e sekuestruara. Qyno theksoi se kontrolli i SPAK dhe sekuestrimi i sendeve, përfshirë edhe kompiuterin e familjes, po e pengojnë në ushtrimin e detyrës. Ai tregoi se gjatë marrjes në pyetje i është kërkuar që të tregojë burimin e informacionit të cilat i kishte publikuar në media lidhur me Nuredin Dumanin, por ai nuk ka pranuar.
“Të gjithë dokumentet që unë kam publikuar, jo dokumentet, por informacion të mbështetur në dokumentet zyrtare që nuk janë të klasifikuara sekret apo tepër sekret, që unë të isha në dijeni se çfarë informacion të klasifikuar që po publikoja, jam thirrur për tu njohur me një urdhër ndalim publikimi të informacion, më është kërkuar të jap deklarim si person që ka dijeni. Pas përfundimit të procedurës më është kërkuar të dorëzoja telefonat. Kam refuzuar ta bëj, e para dhe e dyta edhe pse më është kërkuar të tregoja burimin, nuk e kam pranuar. Në këtë kushte ka vijuar procedura duke nxjerrë vendimet e gjykatës që i kam kundërshtuar, edhe proces verbalet. Padyshim depërtimi i BKH apo SPAK në makinë, apo shtëpi, punë, por edhe në kontrollin fizik timin në SPAK, ishte një sjellje që s’më bëri të ndihesha mirë. Jam një gazetar që në vitin 2006 që mbuloj këtë prokurori, që mudn të përballem me një situatë të tillë. Kanë pezulluar të gjithë ka tim të punës.
Mospublikimi i këtyre akteve hetimore që ata po ndjekin në këtë procedim penal për nxjerrjen e sekretit hetimor. Të shpresojmë dhe të shikojmë në ditët në vazhdim. Kam shpresa se është Apeli të ndërgjegjësohet dhe të shohë ligjin siç është dhe të më kthejë materialet e sekuestruara”, tha Qyno.
Më 13 dhjetor, për rreth 9 orë, Elton Qyno u mor në pyetje dhe u raportua se iu kërkua të tregonte burimin e informacioneve të cilat i kishte publikuar në media lidhur me Nuredin Dumanin. Sipas SPAK, materialet e publikuara në media, përputheshin me komunikimet e Nuredin Dumanit me persona të tjerë në aplikacionin “Sky” dhe për këtë arsye, Elton Qynos i është kërkuar të tregonte sesi i kishte siguruar materiale të tilla që ishin pjesë e akteve hetimore.
Ndaj gazetarit po zhvillohen hetime për 2 vepra penale si “Zbulimi i akteve ose të dhënave sekrete” dhe “Ndalimi i dhënies dhe i shpalljes së të dhënave në kundërshtim me ligjin”. Qyno nuk ka pranuar të zbulojë burimin e tij dhe Prokuroria e Posaçme i ka sekuestruar 2 telefonat celularë, pajisjet elektronike dhe dokumentacion në letër në zbatim të vendimit të gjykatës.
Komente
Nuk ka maskim nen etiketen e gazetarit, eshte thjesht korrupsion aktiv e pasiv, pagove per te marre info ne menyre korruptive, nuk ishte informacion i autorizuar. Nese del edhe personi qe ka dekospiruar, te dy denim sipas kodit penal.
Përgjigju