Gazetari i Report Tv, Arbër Hitaj, është zgjedhur president i Shoqatës së Gazetarëve Europianë (AEJ), duke u bërë i pari shqiptar që merr drejtimin e kësaj organizate prestigjioze.
Vendimi unanim i ka dhënë atij drejtimin e kësaj shoqate prestigjioze, gjatë Asamblesë së 62-të të Shoqatës, e cila u zhvillua në Romë dhe mblodhi përfaqësues nga 20 vende të Europës.
Në një reagim publik, gazetari i Report Tv, Arbër Hitaj shprehu falënderime të thella për mbështetjen ndërkombëtare dhe e cilësoi zgjedhjen një arritje personale të veçantë, por edhe një nder të madh për Shqipërinë.
“Me një vendim unanim, Asambleja e 62 e Shoqatës së Gazetarëve Europian që u mbajt në Romë, me zgjodhi si Presidentin e saj të ri, duke më dhënë mundësinë të jem zëri dhe imazhi i qindra gazetarëve në 20 vende të Europës.
Një kënaqësi shumë e madhe personale dhe padyshim vlerësim për Shqipërinë dhe punën që kemi zhvilluar për të mbrojtur gazetarët.
Kjo është hera e parë dhe besoj jo e fundit, që një gazetar shqiptar do të drejtojë një nga shoqatat më të vjetra në Europë për median. Kam vetëm falënderime për miqtë ndërkombëtarë për besimin. Mbrojtja e lirisë së medias është një sfidë që ngjason me një maratonë, duhet përditë të hedhësh hapa konstant e të sigurt”, shkruan gazetari Hitaj.
Zgjedhja e tij shënon një moment të rëndësishëm për historinë e gazetarisë shqiptare, pasi për herë të parë një gazetar nga Shqipëria do të drejtojë një nga shoqatat më të vjetra të medias në Europë.
Shoqata e Gazetarëve Europian, e themeluar për të mbrojtur të drejtat e gazetarëve dhe për të garantuar lirinë e shprehjes, ka një rol thelbësor në adresimin e sfidave me të cilat përballet media sot.
Komente
Arbri nje profesionist dhe shume I afte , e meriton
PërgjigjuBravo super sukses per vendin qenka dhe bukurosh
PërgjigjuUrime, e meriton plotesisht!
Përgjigju