Një histori si nëpër filmat dramatik, është ajo e përjetuar nga 26-vjeçarja shqiptare të cilës i morën foshnjën teksa po flinte paqësisht pranë saj në një maternitet në kryeqytetin helen.
Ishte një 45-vjeçare, me origjinë greke dhe nënë e dy fëmijëve ajo që i “vodhi” foshnjën shqiptares për t’ia paraqitur si të sajën bashkëshortit, pasi kishte dështuar dhe nuk i kishte treguar atij lidhur me këtë humbje.
Për një periudhë 7-mujore, duke i paraqitur analiza të rreme dhe duke shtuar kile natyralisht, ka gënjyer bashkëshortin se ishte shtatzënë.
Gruaja 45-vjeçare qëndroi për një kohë shumë të gjatë në maternitet, në kërkim të momentit të duhur, i cili siç duket erdh rreth orës 04:45, kur nënën, foshnjën edhe maminë i kishte zënë gjumi.
Ajo u fut në dhomë mori në krahët e saj foshnjën, doli nga materniteti, mori një taksi dhe menjëherë i është drejtuar shtëpisë ku ajo banonte.
Nëna e re, tregoi për ‘Protothema” se në momentin që po i merrnin foshnjën, ajo u zgjua pasi dëgjoi një zhurmë dhe pa një hije që po largohej me bebin e saj në krah.
Menjëherë ajo ngriti alarm, i gjithë spitali u “ngrit: në këmbë, megjithatë ishte shumë vonë, pasi 45-vjeçarja ishte larguar.
Sipas mediave greke, gruaja greke, sapo mbërriti në shtëpi i tregoi bashkëshortit se kishte lindur urgjentisht me operacion në spital dhe se ishte larguar menjëherë.
Si mori fund makthi për 26-vjeçaren shqiptare? Ishte komshia e 45-vjeçares ajo që i telefonoi policisë, pasi e dinte të vërtetën.
Pas ekzaminimeve dhe analizave ADN, u vërtetua se foshnja ishte e vajzës shqiptare.
Policia greke arrestoi menjëherë gruan 45-vjeçare.
Komente
Ne Amerike ka pas raste qe ka ndodhur dhe me keq.Ka patur raste kur i kane vrare grate shtatzena dhe ua kane care barkun dhe ua kane nxjerre femijen dhe ua kane rrembyer dhe fatkeqesisht gjera te tilla vazhdojne te perseriten here pas here.
Përgjigju