Kapitulli i parë i bisedimeve të anëtarësimit për Shqipërinë, i cili u hap sot dhe ka të bëjë me të drejtat themelore dhe shtetin e së drejtës, duhet të përfshijë edhe të drejtat e pakicave, përfshirë minoritetin etnik grek, dhe në veçanti të drejtat e tyre pronësore, deklaroi ministri i Jashtëm grek, George Gerapetritis, sapo mbërriti në konferencën ndërqeveritare në Luksemburg.
Gerapetritis vuri në dukje se “ky qëndrim tani është një qëndrim i përbashkët, një qëndrim i përbashkët i regjistruar i 27 vendeve anëtare të Bashkimit Evropian”.
”Greqia do ta ndjekë nga afër këtë proces dhe do të ndërhyjë aty ku është e nevojshme, me shpresën që edhe vendet e tjera anëtare të Ballkanit Perëndimor të ndjekin këtë kurs”, shtoi ai.
“Sot është një moment historik në zhvillimin e kursit evropian të vendeve anëtare të Ballkanit Perëndimor. Një kurs që filloi 21 vjet më parë, me Greqinë si pioniere dhe udhëheqëse, me axhendën e Selanikut. Greqia ka mbajtur një qëndrim konstruktiv në procesin e anëtarësimit të Shqipërisë”, deklaroi Gerapetritis.
“Qëndrimi ynë është se grupi i parë i kapitujve, i cili po hapet sot dhe ka të bëjë me të drejtat themelore dhe shtetin e së drejtës, duhet të përfshijë edhe të drejtat e pakicave, duke përfshirë edhe atë të pakicës etnike greke, dhe në veçanti të drejtat e tyre pronësore, tashmë një qëndrim i përbashkët, një qëndrim i përbashkët i regjistruar i 27 shteteve anëtare të Bashkimit Evropian se shtetet e tjera anëtare të Ballkanit Perëndimor do të ndjekin këtë kurs në një kohë jashtëzakonisht të paqëndrueshme në rajonin tonë e më gjerë, është absolutisht thelbësore që Bashkimi Evropian, familja evropiane, të thellohet, të rritet dhe të bëhet më e fortë”, theksoi ministri i Jashtëm grek, George Gerapetritis./ATSH
Komente
Flasin keta per te drejtat e pakicave? Sa respektohen pakicat ne Shqiperi, nuk respektohen ne asnje vend te Ballkanit. Qe ne kohe te Enverit, minoritaret arriten u bene deri dhe ministra, flisnin gjuhen e tyre, ne shkolla deri ne shkolle te mesme, greqishtja ishte gjuhe e pare dhe shqipja e dyta. Kur te arrijne keta ate nivel respekti per pakicat flasim. Le te mendojne me mire si t'i kthejne borxhet Evropes, pastaj te bejne kercenime koti.
PërgjigjuHiqni dore nga pretendimi PA LOGJIKE i te ashtuquajturit "Vorio Epir"! Epiri I VETEM eshte ai i banuar nga ÇAMET, AUTOKTONE ne ate krahine, te cilen ia VODHEN SHQUPEISE dhe JUA DHURUAN Fuqite e Medha para NJE SHKULLI!
Përgjigju