"Gjaku lahet me gjak!", ky është mesazhi kërcënues që u gjet mes luleve të lëna në parkingun e qendrës tregtare ‘La Favorita’ në Montava të Italisë, ku rrahën për vdekje të riun shqiptar Atilio Ndreka, ndërsa 35-vjeçari italian Pierfrancesco Ferrari përfundoi rëndë në koma.
Të dy u sulmua egërsisht me shkopa bejsbolli dhe shufra hekuri nga disa të rinj. Ata i futën në kurth, ku i ftuan në një vend pa kamera, rreth orës 3 të mëngjesit, dhe më pas i dhunuan. Autorët e këtij sulmi brutal enden akoma të lirë.
Fotoja u publikua nga e përditshmja italiane La Repubblica, dhe u gjet nga karabinierët të cilët po hetojnë së bashku me karabinierët. Mesazhi në foto aludon për një hakmarrje të mundshme ndaj grupit që fshihet pas këtij krimi.
Në vendin e ngjarje, u gjetën rrobat me gjak që nuk u përkisnin të rinjve të cilët më pas janë çuar për ekzaminim.
“Para se të gjenden nga ndonjë që do dojë të aplikojë rregullat e nderit të Kanunit, kanuni shqiptar që aplikohet ndonjëherë nga fiset”, shkruan e përditshmja italiane.
Sa i përket motiveve të këtij krimi, media italiane shkruan se hetuesit janë ngurues për ta përcaktuar sulmin si një larje të mundshme hesapesh për shpërndarjen e drogës.
