Tiranë- Një 23-vjeçar në Tiranë ka rënë në prangat e policisë. I riu dyshohet se gjatë 48 orëve, kreu 7 vjedhje.
Grabitjet kanë ndodhur gjatë periudhës kohore 8 dhe 9 prill, ku dyshohet se ka vjedhur me thyerje, 3 markete/dyqane dhe 5 biçikleta të katër personave në banesa ose rrugë.
Policia gjithastu i informon se 23-vjeçari edhe më parë ka qenë i dënuar për vjedhje.
Operacioni u kodua 'Repeater'.
Njoftimi i policisë:
Shërbimet e Komisariatit të Policisë Nr. 2, në vijim të punës për goditjen e veprimtarisë kriminale të vjedhjes së pronës dhe pasurisë, bazuar dhe në kallëzimet e disa qytetarëve, për vjedhje në pronat e tyre, gjatë ditëve të fundit, kanë organizuar punën për zbardhjen e tyre, identifikimin dhe kapjen e autorit/ëve.
Si rezultat i një pune profesionale hetimore të kryer bazuar në inteligjencën policore, u finalizua operacioni policor i koduar “Repeater”, si rezultat i të cilit u arrestua shtetasi O. T., 23 vjeç.
Nga veprimet hetimore dyshohet se ky shtetas, më datë 08.04.2025, ka vjedhur me thyerje, në 3 markete/dyqane, dhe më datë 09.04.2025, ka vjedhur në banesa ose në rrugë, 5 biçikleta, në pronësi të 4 shtetasve.
Vijojnë hetimet për zbardhjen e vjedhjeve të tjera që mund të jenë kryer nga ky shtetas.
Materialet procedurale iu referuan Prokurorisë së Tiranës, për veprime të mëtejshme.
Komente
Kalbeni ne burg maskarain dhe pune te detyruar qelbesiren qe majmet me djersen e te tjereve
Përgjigju