Gjellë me bamje
Përbërësit:
- 500 gr bamje të freskëta
- 1 lugë gjelle uthull rrushi ose limon
- 1 qepë e madhe
- 2 domate të pjekura
- 1 lugë gjelle salcë domate
- 1 thelpi hudhër (opsionale)
- 1 lugë çaji sheqer
- 4-5 lugë vaj ulliri ose luledielli
- 300 ml ujë të ngrohtë ose lëng mishi
- Kripë dhe piper i zi
Përgatitja:
Fillimisht pastrojmë bishtat e bamjeve me kujdes në formë konike (pa i dëmtuar shumë që të mos lëshojnë lëngun ngjitës). Më pas i lajmë dhe i spërkatim me uthull ose limon. I lëmë për 20 minuta që të mos “ngjisin” gjatë gatimit. Ndërkohë në një tenxhere kaurdisim qepën me vajin derisa të zbutet dhe të marrë ngjyrë të artë. Shtojmë domatet e grira, salcën, pak sheqer dhe hudhrën dhe vijojmë me kaurdisjen për 4-5 minuta. Më pas shtojmë bamjet dhe i përziejmë lehtë, hedhim ujin e ngrohtë dhe rregullojmë shijen me kripë e piper. Mbulojmë tenxheren me kapak dhe e lëmë gjellën të gatuhet në zjarr të ulët për 30-40 minuta.
Këshilla nga Albana: Për më shumë shije, shto pak majdanoz të freskët në fund. Mos i përziej shumë gjatë gatimit, bamjet janë delikate dhe thyhen shpejt.
Komente
