Gjellë me bathë sipas traditës çame
Përbërësit:
- 500 gr bathë të freskëta ose të thata
- 1 qepë e madhe
- 3-4 thelpinj hudhër
- 2 domate të pjekura
- 1 tufë kopër ose majdanoz
- 1 lugë gjelle vaj ulliri
- Kripë dhe piper i zi sipas shijes
- Lëng limoni (opsionale)
- Ujë ose lëng perimesh
Përgatitja:
Nëse përdorim bathë të thata, i lëmë në ujë të ftohtë për 8–12 orë, pastaj i kullojmë dhe i shpëlajmë mirë. Nëse përdorim bathë të freskëta i pastrojmë duke u hequr fijet anësore dhe më pas i lajmë mirë. Në një tenxhere, ngrohim vajin e ullirit dhe kaurdisim qepën derisa të bëhet e tejdukshme dhe e artë. Shtojmë hudhrën dhe e përziejmë për 1 minutë që të lëshojë aromën. Shtojmë bathët duke i trazuar për një minutë dhe domatet e grira në rende. Hedhim ujë ose lëng perimesh derisa të mbulohen bathët. Rregullojmë shijen me kripë dhe piper. Mbulojmë tenxheren dhe e lëmë gjellën të gatuhet në zjarr të ulët për rreth 30–40 minuta, derisa bathët të jenë zbutur dhe lëngu të jetë trashur. Në fund, shtojmë koprën e freskët të grirë imët dhe e përziejmë mirë. Nëse dëshirojmë shtojmë pak lëng limoni për t’i dhënë më shumë shije dhe freski.
Komente
