Receta

Gjellë me bizele dhe qepë të njoma nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

11 Qershor, 11:09| Përditesimi: 11 Qershor, 11:11

  • Share

Gjellë me bizele dhe qepë të njoma

Përbërësit:

  • 500 gr bizele të freskëta
  • 5-6 qepë të njoma
  • 2-3 domate ose 2 lgj salcë domateje
  • 1 karotë (opsionale)
  • 3-4 lgj vaj ulliri
  • Kripë, piper i zi
  • Pak majdanoz i grirë

Përgatitja:

Lajmë mirë qepët e njoma dhe i presim hollë bashkë me bishtat e gjelbër. Qërojmë dhe grijmë domatet në rende, ose nëse përdorim salcë e hollojmë me pak ujë. Në një tenxhere ngrohim vajin e ullirit, shtojmë qepët e njoma dhe karotën dhe i kavërdisim për 3–4 minuta derisa të zbuten pak dhe të lëshojnë aromën. Shtojmë domatet e grira (ose salcën) dhe i lëmë të ziejnë për 2–3 minuta të tjera. Më pas shtojmë bizelet duke i përzier mirë me qepët e zbutura. Rregullojmë shijen me kripë dhe pak piper të zi. Shtojmë ujë të ngrohtë derisa të mbulojë bizelet dhe e lëmë gjellën të gatuhet në zjarr mesatar për pak minuta. Në fund, kur gjella ka marrë formë të trashë dhe shije të harmonizuar, fikim zjarrin dhe shtojmë majdanozin e grirë.

MC/ReportTv.al
Komento

Komente

  • Sondazhi i ditës:

    Jeni dakord me kërkesën e gjyqtarëve për rritje të pagës me 700 euro?