Receta

Gjellë me mish dhe patate me petë byreku të mbushur

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

17 Janar, 13:21| Përditesimi: 17 Janar, 13:34

  • Share

500 gr mish

500 gr patate

1 qepë

1 karrotë

1 lgj salcë domate

3 lgj vaj ulliri

Kripë, piper

Për petën me mbushje:

300 gr miell

100 ml ujë

1 qepë

2 karrota

1 lgj vaj

 

Kaurdisim mishin e prerë në copa, shtojmë qepën të prerë në gjysmë hëne dhe pak kripë. Më pas shtojmë salcën e domates dhe vijojmë pak minuta me kaurdisjen.

Shtojmë ujin dhe më pas karrotën të prerë në disqe dhe patatet ne gjysmë hëne. E lëmë gjellën të gatuhet në temperaturë mesatare duke rregulluar shijen me kripë e erëza. Ndërkohë hapim një petë pasi e kemi zënë brumin me miell, pak ujë, kripë dhe pak uthull. E mbushim petën e hapur me karrotën dhe qepën e grirë imët. E mbledhim petën role dhe e presim në copëza mesatare. Mund ta vendosim në furrë dhe ta servirim me gjellën ose mund t'i shtojmë direkt në tenxheren e gjellës dhe t'i lëmë të gatuhen bashkë.

A.M/ReportTv.al
Komento

Komente

  • Sondazhi i ditës:

    Si e vlerësoni gjendjen e sigurisë në vend?