Kronikë

Gjenden 16 predha luftarake në Elbasan, 9 prej tyre të ekspozuara në diell, rrezik potencial shpërthimi

9 Gusht 2018, 11:59| Përditesimi: 9 Gusht 2018, 13:43

  • Share

Në qytetin e Elbasanit janë gjendur 16 predha luftarake, të cilat dyshohet se i përkasin Luftës së Dytë Botërore.

Predhat u zbuluan rastësisht nga kompania që po punon për rikonstrksionin e një segmenti rrugor pranë Gjykatës së re të Elbasanit.


Predhat e zbuluara në Elbasan

Gjatësia e predhave luftarake shkon rreth 50 cm dhe aktualisht 9 prej tyre janë të ekspozuara në temperaturat e larta të këtyre ditëve, gjë që i bën ato një rrezik potencial për të shpërthyer.

Teksa autoritetet kompetente kanë larguar vetëm 6-7 predha, tek banorët vazhdon të jetë e pranishme ndenja e panikut.


Vendi ku u gjetën predhat në Elbasan

Njoftimi i policisë:

Elbasan

Në lagjen 5 Maji, Elbasan, punonjësit e firmës së ndërtimit, gjatë punimeve për riparimin e rrugës në këtë lagje kanë konstatuar 15 copë predha të vjetra artilerie.

Policia ka shkuar menjëherë në vendngjare ku janë marrë masa për ruatjen dhe sigurimin e tyre si dhe janë njoftuar forcat xheniere të Ushtrisë, për marrjen e masave dhe heqjen e tyre.

/b.ha./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?