Fosilet e katër dinozaurëve që kishin dhëmbë të ngjashëm me ato të një peshkaqeni janë gjetur në Tajlandë.
Gjatë studimit në Ban Saphan Hinu, është gjetur fosili i një lloji dinozauri të quajtur “Siamraptor suwati”, ku shkencëtarët besojnë se ka jetuar para 113 milionë vitesh.
Paleontologu i Universitetit të Edinburgut, Steve Bursatte tha se specia e re e dinozaurëve me dhëmbë të mprehtë si ato të një peshkaqeni është specia më e rëndësishme e dinozaurit të zbuluar deri më tani në Tajlandë.
Paleontologët që kryen studimin theksuan se fosili “Siamraptor suwati” është ruajtur shumë mirë. Bëhet fjalë për një dinozaur nga lloji i mishngrënësve me këmbë të shkurtra të përparme dhe këmbë më të gjata të pasme.
Aty u gjetën kafka, shtylla kurrizore, gjymtyrë dhe vithe, të cilat u analizuan nga Dr. Duangsuda Chokchaloemëong dhe kolegët e saj nga Tajlanda dhe Japonia.
"Siamraptor suwati është fosili më i mirë i ruajtur në Azinë Juglindore dhe hedh dritë mbi historinë e hershme evolucionare të këtij lloji të dinozaurëve", janë shprehur arkeologët.
Foto e dhëmbëve
Komente
