GREQI- Sasi kokaine dhe kanabis, me vlerë mbi 300 mijë euro, janë sekuestruar nga efektivët e policisë në Selanik dhe për këtë ka rënë në pranga 42-vjeçar shqiptar, i cili akuzohet për posedim dhe trafik droge, raportojnë mediat greke.
Identiteti i shqiptarit të arrestuar ende nuk bëhet i ditur dhe sipas njoftimit të autoriteteve, atij iu gjetën gati 3.5 kg kokainë dhe 19 kg kanabis, lëndë narkotike të cilat pjesën më të madhe i kishte fshehur në një banesë që e përdorte si “depo”.
Rasti u zbardh nga efektivët e policisë së Grupit të Narkotikëve të Departamentit të Sigurimit të Verisë. 42-vjeçari u referua për të kërkuar falje në hetuesinë e Selanikut.
Komento
Komente
