Regjisorja kosovare Arzana Kraja është gjetur e pajetë në shtëpinë e saj në Prishtinë.
Ajo jetonte në lagjen “Kalabria” në Prishtinë dhe ende nuk është bërë i ditur shkaku i vdekjes.
Sipas mediave kosovare, zyrtarë nga prokuroria kanë treguar se rasti po cilësohet si vdekje e dyshimtë dhye trupi i saj i pajetë është dërguar për t’u verifikuar.
Lajmin e ka konfirmuar Qendra Kinematografike e Kosovës ku ka shprehur edhe ngushëllimet për këtë ngjarje të rëndë.
“Jemi të shokuar nga lajmi për vdekjen e regjisores Arzana Kraja! Angazhimi i sajë në fushën e kinematografisë ishte i jashtëzakonshëm! Ngushëllime familjes, miqve dhe gjithë bashkëpunëtorëve!”, shkruhet në njoftim.
Arzana Kraja ishte vajza e kryetarit të Akademisë së Shkencave të Arteve të Kosovës, Mehmet Kraja.
Regjisorja kosovare njihet për filmin “Shkurta” dhe filmit me metrazh të gjatë “Fusha e mëllenjave” që bëri hapjen zyrtare të edicionit të 11 të PriFest 2019.
“Fusha e Mjellmave” ishte pretendente për çmim edhe në ngjarjen prestigjioze të filmit “Berlinale”.
Komente
