FILIPINE- Një ngjarje tronditëse ka ndodhur në Filipine, ku 11 burra janë akuzuar se kanë përdhunuar në grup e më pas kanë vrarë një stjuardese, e cila është gjetur në një vaskë hoteli e pajetë, e me shenja dhune në trup.
Javën e kaluar siç raportojnë edhe mediat e huaja, e reja Christine Angelica Dacera po festonte së bashku me miqtë e saj natën e vitit të ri në një hotel, ku u përdhunua nga 11 burra edhe më pas është gjetur e vrarë në vaskën e dhomës së saj.
Trupi i pajetë i 23 vjeçares është gjetur në vaskën e hotelit nga kolegu i saj Rommel Galida.
Galida mendoi se Dacera ishte në gjumë dhe e mbuloi me një batanije. Por kur u zgjua disa orë më vonë pa që ajo ishte pa ndjenja dhe se ajo kishte filluar të bëhej blu.
Hetuesit po presin një autopsi, por raportuan se trupi i gruas së re kishte të nxira dhe prerje në kofshë edhe në gjunjë.
Ata gjithashtu pohuan se në trupin e saj kishte evidenca të një sulmi seksual.
Policia provizorisht ka akuzuar 11 burra, të cilët edhe gjendeshin te dhoma ngjitur me 23 vjeçare.
Shefi i policisë Harold Depositar tha për mediat vendase se akuzat janë “provizore” pasi pritet të dali autopsia dhe raportin e toksikologjisë.
Hetimi do të vazhdojë deri në gjetjen e autorëve.
Komente
fajin e ka SALIU
Përgjigju