KORÇË- Pronari i një lokali në fshatin Mborje në Korçë është gjetur i pajetë nga bashkëfshatarët e tij rreth orës 07:15 të mëngjesit të sotëm. Flamur Duci, 45 vjeç, i divocuar dhe baba i dy vajzave është gjetur pranë lokalit të tij ku dyshohet se është vrarë nga dy persona që i kanë zënë pritë në afërsi të lokalit rreth orës 06:30 të mëngjesit të sotëm.
Atij i janë gjetur plagë në trup të cilat dyshohet se janë shkaktuar nga një mjet prerë, ndërsa ka edhe djegie. 45-vjeçari njihej si njeri i rregullt dhe joproblematik.
Por të afërm dhe fqinjë të Flamur Ducit, ngrenë dyshime se 45-vjeçari mund të jetë vrarë për hasmëri nga njerëzit e ish-bashkëshortes e cila tashmë jeton në Francë. "Ata ia kanë bërë. Gruaja është në Francë. Nuk i pëlqenin shqiptarët. Ata e kanë bërë me nge, e kanë çarë me thika e kanë djegur. I vuajtur tërë jetën, çfarë i kanë bërë. Kuptohet ajo punë hasmërie është, përderisa e kanë djegur", thonë fqinjët.
Grupi hetimor pritet të zbardhë rrethanat e ngjarjes. Lidhur me këtë ngjarje janë shoqëruar disa persona, të cilët pasi kanë dhënë dëshminë e tyre janë lënë të lirë.
Report Tv siguron foton e Flamur Ducit, 45-vjeçarit që u gjet i pajetë para lokalit të tij në Korçë.
Një fqinj i pronarit të lokalit në Korçë i cili është gjetur i pajetë, Flamur Ducit, ka deklaruar se ai kishte tre ose katër vite i divorcuar dhe jetonte i vetëm. Ai tha se Duci nuk kishte asnjë konflikt.
"E njoh dhe e ka njeri timin. Ka nja tre-katër vjet i divorcuar. Jetonte vetëm. Nuk kemi dëgjuar asgjë. Në orën 06:00 u ngrita se përcolla gruan për në punë. Unë nuk e di të ketë pasur konflikte. Unë nuk di gjë. Jam plak. Unë nuk e di të kishte konflikte. Jetonte vetëm. Vajzën njërën e ka të martuar, njërë të pamartuar", u shpreh fqinji.
Familjarët dhe fqinjë të Flamur Ducit, pronarit të lokalit që u gjet i pajetë paraditen e sotme në Korçë kanë ngritur dyshime se ai mund të jetë vrarë nga familjarët e ish-gruas së tij me të cilën ishte ndarë dhe kishte dy vajza.
"Ata ia kanë bërë. Gruaja është në Francë. Nuk i pëlqenin shqiptarët. Çfarë i kanë bërë. Ata e kanë bërë me nge, e kanë çarë me thika e kanë djegur. I vuajtur tërë jetën, çfarë i kanë bërë. Në 6 të mëngjesit ia kishin bërë. Ai ishte jashtë marketit trupit. Ç'a do i grabisnin, çfarë lekësh kishte ai, ku t'i gjente lekët. Kuptohet ajo punë hasmërie është, përderisa e kanë djegur", thonë fqinjët.
Motra e Flamur Ducit, pronarit të lokalit në fshatin Mborje që u gjet i pajetë mëngjesin e sotëm pranë lokalit të tij ka shpërthyer në lot pranë trupit të pajetë të të vëllait.
"Nuk mundem, kush e vrau", dëgjohet të thotë ajo mes lotësh.
Komente
Kabul
Përgjigju