Në një kohë kur gjendja shëndetësore e Michael Schumacher vijon të jetë mister pas aksidentit që pësoi në Alpet e Francës në dhjetor 2013, bashkëshortja e tij, Corinna Betsch, bën një investim të çmendur. Ish-piloti i "Formula 1", Michael Schumacher do të transportohet në Majorka të Spanjës, bën me dije revista “L’Illustre”. Lajmi është konfirmuar edhe nga kryetarja e bashkisë së Andrtatx, Katia Ruarç, një qytezë e cila ndodhet në jug. Bashkëshortja e ish-pilotit ka blerë një rezidencë luksoze, e cila i përkiste Presidentit të Real Madrid, Florentino Perez.
Mund të konfirmojë se Shumaker do të vijë këtu dhe po bëhemi gati për ta mirëpritur. Shërbimet e sigurisë janë në gatishmëri për të mundësuar privatësinë e duhur për ish-kampionin e pafat të Formula 1.
Kryetarja e Bashkisë së Andrtatx, Katia Ruarç
Bashkëshortja e Michael Schumacher, Corinna Betsch
Rezidenca e re ku do të banojë familja Schumacher, do të ketë një hapësirë prej 3000 metrash katrorë, të përbërë nga kopshtet, 2 pishina, pistë për helikopter, ku të gjitha këto kanë kushtuar plot 30 mln euro. Pas aksidentit të ndodhur në Alpet e Francës ku ra në gjendje kome, Schumacher po has mjaft vështirësi për riaftësimin e plotë të tij.
Michael Schumacher, 7 herë kampioni i botës në "Formula 1"
Edhe pse kanë kaluar 5 vite nga aksidenti tragjik, ende nuk dihet saktësisht nëse Schumacher është zgjuar nga koma apo jo. Kjo pasi familja ka preferuar të jetë hermetike dhe informacioni i dalë prej saj ka qenë gjithnjë e më i rezervuar.
Komente
