Bota

Gjermani , 500 milionë euro për emigrantët, përfitojnë edhe shqiptarët

4 Prill 2018, 03:30| Përditesimi: 4 Prill 2018, 03:31

  • Share

Ministri gjerman i zhvillimit, Gerd Müller, ka tërhequr sot vëmendjen e mediave me një propozim interesant.

Ai planifikon një rritje të madhe të kuotës së ndihmave që Gjermania u ofron refugjatëve, të cilët kthehen vullnetarisht në vendet e tyre.

Kështu, Müller kërkon që shuma prej 150 milionë eurosh që jepet sot për këtë, të rritet në 500 milionë euro.

Programi i ndihmave për kthim, me emrin “Perspektiva Atdheu” synon që të ndihmojë emigrantët të cilët kthehen nga Gjermania për të ndërtuar mbijetesën në atdheun e tyre.

Kjo ndihmë nënkupton ngritjen e një jetese të qëndrueshme në vendin e tyre, e cila është më e rëndësishme se mbajtja si refugjatë në Gjermani.

 “Në programin e ndihmës për kthim, në të ardhmen duhet të derdhen 500 milionë euro në vit”, ka deklaruar Müller për Agjencinë Gjermane të Lajmeve DPA.
“Kjo është shumë më e volitshme se sa të mbahen njerëzit këtu në Gjermani”, ka thënë ai.

Deri tani për programin e nisur në mars të vitit 2017 ishin planifikuar vetëm 150 milionë euro. Vendet për ku janë destinuar këto para janë: Shqipëria, Kosova, Serbia, Tunizia, Maroku, Gana, Senegali, Nigeria, Iraku, Afganistani dhe Egjipti.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?