Reshjet e dendura të bores që goditën Gjermaninë jugore të premten mbrëma dhe vazhduan sot kanë shkaktuar ndërprerje të fluturimeve në aeroportin e Mynihut, i dyti më i ngarkuari në vend.
Fluturimet janë pezulluar deri në mesditën e së shtunës, për shkak të borës së madhe, kanë thënë zyrtarë të aeroportit.
Rreth 320 nga 760 fluturimet e planifikuara për të shtunën janë anuluar, njoftoi agjencia gjermane e lajmeve DPA. Ekuipazhet po përpiqebn të mbanin të paktën një pistë në shërbim pa borë.
Probleme janë shkaktuar edhe me shërbimet e trenave në jug të Bavarisë, dhe stacioni kryesor i trenave në Mynih është virtualisht i bllokuar.
Shërbimet e trenave në distanca të gjata janë anuluar dhe masa pritet të zbatohet gjithë të shtunën.
“Ju rekomandojnë shtyrjen e udhëtimet për dhe nga Munihu”, kanë thënë autoritetet, sipas agjencisë së lajmeve dpa
