Dy duele titanësh do kemi në gjysmëfinalet e Ligës së Kombeve. Gjermania përballet me Portugalinë, ndërsa Spanja luan me Francën. Këto përballje do zhvillohen më 4 dhe 5 qershor në Munich dhe Stuttgart, nga ku do mësohet edhe finalja e madhe për trofeun.
Gjermania kaloi Italinë, me ndeshjen në Dortmund që u mbyll 3-3, por 'Panzerat' kishin fituar 1-2 sfidën e parë në Milano. Gjermania shënoi tre herë në pjesën e parë me Kimmich nga penalltia, Musiala dhe Kleindienst, duke shokuar djemtë e Spallettit. Italia "u zgjua" pjesën e dytë dhe dopieta e Kean dhe Raspadori nga penalltia bënë që Italia të barazonte ndeshjen e parë në histori në të cilën ishte në disavantazh të tre golave, por pa mundur ta dërgonte ndeshjen në shtesë.
Franca u kualifikua me vështirësi pas penalltive kundër Kroacisë. "Dalmatët" kishin fituar 2-0 në shtëpi dhe "Gjelat" ia dolën me Olise dhe Dembele që ta dërgonin ndeshjen me shtesë e më pas me penallti, nga ku fituan 5-4.
Portugalia kaloi me shtesë 5-2 Danimarkën, aty ku Ronaldo shënoi golin e 929 në karrierë. Danezët u treguan "koçkë e fortë", por paçka kësaj Luzitanët kalojnë më tej.
Në Valencia, Spanjës iu deshën penalltitë për të eliminuar Holandën. Ndeshja e parë ishte mbyllur 2-2, teksa po me këtë rezultat u mbyllën edhe 90 minutat e zhvilluara në "Mestalla". Dopieta e Oyarzabal dhe golat e Depay dhe Maatsen e dërguan ndeshjen me penallti, aty ku Spanja fitoi 5-4.
Liga e Kombeve, ndeshjet gjysmëfinale:
4 qershor Gjermani - Portugali
5 qershor Spanjë - Francë
Komente
