Policia gjermane i ka dhuruar 10 makina të reja policisë kufitare shqiptare. Automjetet e dhuruara, por edhe pajisjet për sigurinë kufitare kalojnë vlerën e mbi 300 mijë eurove. Sandër Lleshaj u shpreh se policia shqiptare do të vijojë që të rrisë nivelin e profesionalizmit dhe thellimin e bashkëpunimit me Gjermaninë.
"Shqipëria, Ministria e Brendshme dhe Policia Shqiptare do të vazhdojnë me seriozitetin më të lartë punën për të thelluar bashkëpunimin, për të rritur nivelin e profesionalizmit dhe të integritetit të të gjithë strukturës së Policisë së Shtetit.
Kështu besojmë se kontribuojmë për të mirën e Shqipërisë, për sigurinë e qytetarëve të saj, por edhe për thellimin e bashkëpunimit dypalësh me Gjermaninë, dhe njëkohësisht përmes kësaj edhe thellimin e bashkëpunimit me Europën" - u shpreh Ministri i Brendshëm Sandër Lleshaj. E pranishme në ceremoninë e dhurimit të makinave ishte edhe ambasadorja gjermane në Tiranë.
Komente
