GJERMANI- Nga sot Gjermania ka marrë kryesimin e Presidencës së G7-ës për vitin 2022. Ministri gjerman i financave, Christian Lindner ka bërë me dije prioritete e qeverisë gjermane pasi ka marrë drejtimin e Presidencës së G7-së. Lindner tha se qeveria gjermane do të punojë për të rimëkëmbur ekonominë nga pandemia e COVID-19, si edhe të forcojnë përpjekjet për mbrojtjen e mjedisit.
Ministri i Financave tha po ashtu se ai dëshiron që në takimet e ardhshme të ministrave të Financës së G7-s, agjenda e bisedimeve të përqendrohet në çështjen e digjitalizimit dhe ndryshimeve klimatike.
“Gjermania ka marrë kryesimin e Presidencës së G7-s për vitin 2022, shtetet e G7-s qëndrojnë për liri, demokraci dhe përparim. Duke pasur këtë në mendje, ne duhet ta tejkalojmë pandeminë dhe të nxisim rimëkëmbjen ekonomike globale”, shkroi në Twitter ministria e Financave duke cituar Lindner.
Lindner është lider i partisë Demokratët e Lirë, që është në koalicion me qeverinë gjermane, të kancelarit Olaf Scholz.
