Gjermania dhe Katari ranë dakord të premten për një partneritet energjetik, i cili mund të bëjë që Doha të fillojë furnizimin me gaz natyror të lëngshëm (LNG) në Berlin në vitin 2024.
Katari do të bëhet kyç për strategjinë e ardhshme të energjisë të Gjermanisë për të diversifikuar larg gazit rus, tha kancelari gjerman Olaf Scholz, duke iu drejtuar një konference të përbashkët shtypi me Emirin e Katarit Sheikh Tamim bin Hamad Al Thani në Berlin.
"Çështja e sigurisë së energjisë luan një rol të rëndësishëm për ne. Gjermania do të zhvillojë infrastrukturën e saj për të qenë në gjendje të importojë gaz të lëngshëm me anije," tha Scholz.
“Është një hap i madh dhe Katari luan një rol të rëndësishëm në strategjinë tonë”, shtoi lideri gjerman.
Emiri i Katarit u tha gazetarëve në konferencën për shtyp se ai shpreson se vendi i tij do të fillojë furnizimin me gaz natyror të lëngshëm në Gjermani në vitin 2024.
Gjermania ka qenë nën presion nga Ukraina dhe kombe të tjera në Evropë për të bërë përparim në heqjen e furnizimeve ruse të energjisë që nga fillimi i pushtimit rus të Ukrainës.
Në fillim të këtij muaji, Gjermania filloi punimet e ndërtimit për terminalin e saj të parë lundrues LNG në Wilhelmshaven, një qytet dhe port i vendosur në Saksoninë e Poshtme në Gjermaninë veriperëndimore.
Lajmi kryesor:
Lufta/ Zelensky: Faza më e përgjakshme e luftës ka filluar! Vijojnë bombardimet në Luhansk! Mariupol: Nën rrënojat e tetarit qindra trupa të sjellë nga një varr masiv nga rusët
E.K/ReportTv.al