Studentët e Mjekësisë nuk zbrapsen dhe vijojnë bojkotin e auditorëve duke kërkuar pezullimin e aplikimit të ligjit për firmosjen e kontratës që i detyron të punojnë në Shqipëri pas diplomimit deri sa të shprehet Gjykata Kushtetuese.
Studentët gjithashtu kërkojnë dhe dorëheqjen e zv.ministres së Arsimit Albana Tole, e cila në një emision televiziv ka thën që studentët te cilët nuk bien dakord me kushtet e kontratës të ndërpresin studimet, t’i lenë përgjysmë ato.
Në studion e emisionit “Përballje” në Report Tv ku trajtua kjo çështje, studenti Rei Haluli tregon vështirësitë me të cilat përballen
“Nuk jemi futur në Mjekësi me parimin se e kam si pasaportë për të hyrë në BE. Unë kam hasur mungesën e aparatin e tensionit në Urgjencën e QSUT. Kur shikojmë vështirësinë në profesion dhe si trajtohet studenti apo mjeku, herë pas herë mjekët e urgjencës kanosen” tregon Rei Haluli.
Ish zv ministri i Arsimit Olti Rrumbullaku tha ligji duhet të shihet si një alokim, pra shpërndarje e mjekëve në të gjithë vendin, që të mos vuajmë mungesën e mjekëve për 5 vitet e ardhshme.
Por mënyra si është zgjedhur për të zgjidhur problemin e mungesës së mjekëve nuk është e duhura për mjekun Ilir Alimehmeti dhe kërkon më shumë transparencë. Ai shton se ligji nuk do funksionojë dhe zgjidhje është përmirësimi i kushteve të punës dhe Rritja e pagës
“Në vit të parë studentët nuk vijnë për të ikur. Rrugës kuptojnë se cfarë do të thotë të jesh mjek e të punosh mjek në Shqipëri dhe cfarë do të thotë të jesh pacient. Kupton përballjen. Me të vëertetë që studion në QSUT “Nënë Tereza” por po i kërkohet të punojë në qendra të tjera që as nuk i ka parë ndonjëherë. Ne duhet të paraqesim realitetin dhe të përmirësojmë atë” thotë mjeku Alimehmeti
Ndërkohë Aurora Dollenberg, Presidente “Federata e Mjekëve Shqiptare në Europë” është e bindur se Gjermania nuk do të heqë dorë nga mjekët shqiptarë dhe studentët që mbarojnë 6 vite shkollë.
Shteti gjerman lehtësoi ligjin dhe diploma shqipare njihet për 6 muaj në Gjermani. Disa studentë që nuk e kanë marrë diplomën mund ti hyjnë rrugës universitare të japin disa provime dhe vlersëson komisioni i njohjes së diplomës. Edhe pa diplomë shqiptare Gjermania nuk do të heqë dorë nga mjekët e Shqipëirësë” tregon Dollenberg.
Nga ana tjetër studentët janë të vendosur në bojkotin e tyre.
“Nuk do e ndalim këtë bojkot! Do e vijojmë deri në fund derisa qeveria të tërhiqet nga ky ligj për të cilën ne nuk u pyetëm. Nuk kthehemi në auditore pa u tërhequr ligjin” tha studenti Rei Haluli në emisionin “Përballje” në Report Tv.
