Me buzëqeshjen që do ta kujtojnë të gjithë, një artistë i ri krijoi portretin dhe i dha ngjyra fytyrës së Mateos së vogël, që u vra nga një dorë pa mëshirë dy javë më parë.
Fytyra e pafajshme e vogëlushit e përjetësuar në pikturë, u dorëzua nga vetë artisti te familjarët si një kujtim i mbështetjes së të gjithë shqiptarëve ndaj familjes Vasiu për tragjedinë që i ndodhi familjes së tyre.
Ngjarja e rëndë ndodhi një ditë të zakonshme për Mateon e vogël, kur kishte dalë të luante me biçikletën e fqinjit të tij në rrugët e fshatit Greçalli të Fierit, si çdo ditë, por këtë të martë, kjo skenë pafajësie përfundoi në një krim makabër. Mateo u rrëmbye, u vra dhe më pas u gropos. Autor i këtij krimi makabër, është Klodian Çalamani 38-vjeç, e i dënuar edhe më parë për pengmarrje.
Krimi monstruoz është një ndër më tronditësit për vendin tonë vitet e fundit.
