Gjethe lakre të skuqura
Përbërësit:
- Lakër e bardhë
- Djathë të thërrmuar
- Majdanoz të grirë
- Galetë ose miell
- Vezë
- Kripë, piper i zi
- Vaj për skuqje
Përgatitja:
Pastrojmë lakrën nga fletët e dëmtuara, presim koçanin derisa të lirohen fletët dhe të hyjë nxehtësia gjatë zierjes për 5 minuta në ujë të vluar me kripë. Më pas e heqim nga uji dhe fletët i ndajmë duke i hapur në tavolinë. Marrim 1-2 fletë, i shtypim kërcellin dhe hedhim brenda tyre djathë të thërrmuar përzier me majdanoz e piper të zi të bluar. Mbledhim fletët në formë zarfi ose roleje, i kalojmë në vezë dhe më pas në miell ose galetë. I skuqim dhe i shërbejmë të nxehta, sipas dëshirës mund t'i spërkatim dhe me salcë të kuqe domate.
Komento
