Gjimnazi “Babë Dudë Karbunara” në Berat është gati për vitin e ri shkollor, për të pritur me kushte dinjitoze 640 nxënës dhe mësues.
Lajmi është bërë me dije ditën e sotme nga kryeministri Edi Rama, përmes një postimi në rrjetet sociale, ku teksa ndau pamjet nga ambientet e reja, shkruan se tashmë ky gjimnaz është një hapësirë e re moderne që i shtohet qytetit.
"MIRËMËNGJES! Dhe me një tjetër shembëlltyrë të prekshme të ambicies sonë për Shqipërinë që duam, gjimnazin e rilindur "Babë Dudë Karbunara" në Berat, i cili është gati për vitin e ri shkollor me kushte optimale për 640 nxënësit dhe mësuesit, si edhe si një hapësirë e re komunitare që i shtohet qytetit, ju uroj një ditë të mbarë", shkruan Rama.
Godina e re e gjimnazit “Babë Dudë Karbunara” ka kapacitete të shtuara, palestër, auditor, bibliotekë, hapësira ndihmëse dhe laboratorë në një sipërfaqe ndërtimi prej 4380 m2, si dhe do të shërbejë edhe pas orarit mësimor, si qendër komunitare.
Komente
Shkolla ka por nuk ka nxenes.Qekur ka ikur Besa Shahini si ministre arsimi ka marre fund
Përgjigju