Të paktë janë qytetarët që vijojnë të respektojnë dhe zbatojnë masat anti-Covid në qytetin e Gjirokastrës. Nga vëzhgimi i Report Tv në institucione por edhe biznese rezulton se qytetarët paraqiten kryesisht pa maska, duke krijuar dhe grumbullime tek zyrat e ADISA-s, ku kryhen një sërë shërbimesh.
Nga ana tjetër ashpërsimi i masave anti-covid sipas opinionit te qytetareve ne Gjirokastër ndikon në ekonominë e tyre përfshirë këtu bizneset qe u duhet te zbatojnë orën policore.
"Dyqanet nuk punojnë se kanë rregulla. Po ndikojnë se lokali nuk bën xhiro, varfërohen njerëzit. Pandemia ndikon shumë se ekonomia ka rënë në zero. Që të rritet ekonomia, duhet të rritet punësimi se shumica e njerëzve janë pa punë", shprehen qytetarët.
Në Gjirokastër janë aktualisht 193 raste aktive me Covid-19.
