Kronikë
Top 24

E bllokuar nga dëbora/ Zjarrfikësit transportojnë në spital vajzën e sëmurë në Gjirokastër (VIDEO)

Një rast urgjence shëndetësore është regjistruar në Gjirokastër. Një vajzë nga fshati Kolonjë ka shfaqur probleme dhe kjo ka bërë që familjarët të kërkojnë ndihmë. Autoambulanca nuk mbërriti dot për shkak të bllokimit të rrugës nga dëbora. Ishte ndërhyrja e zjarrfikësve që bëri të mundur transportimin e të miturës drejt spitalit. 

10 Janar 2019, 10:55| Përditesimi: 10 Janar 2019, 12:15

  • Share

Reshjet e dendura të dëborës të shoqëruara me bllokime rrugësh kanë penguar edhe ofrimin e shërbimit mjekësor në zonat rurale të vendit. Në Gjirokastër ka qenë një familje e cila ka kërkuar ndihmë pasi një vajzë e mitur kishte shfaqur probleme shëndetësore. Ofrimi i ndihmës shëndetësore me autoambulancë apo transportimi drejt spitalit pamundësoheshin për shkak të bllokimit të rrugës nga dëbora. 

Sipas familjarëve, Vanesa Mele kishte temperaturë të lartë dhe nevojitej dërgimi me urgjencë në spital. Është dashur ndërhyrja e shërbimit zjarrfikës të cilët mbërritën në fshatin Kolonjë dhe transportuan vajzën e mitur në drejtim të spitalit të Gjirokastrës.


Lajmi kryesor:

Reshjet e dëborës/ 1.2 m borë në Dibër, probleme në Kukës dhe Korçë, pezullohet mësimi në disa qytete
/b.ha./ReportTv.al
  • Sondazhi i ditës:

    Produktet e kontaminuara, si e vlerësoni sigurinë ushqimore në Shqipëri?