GJIROKASTER - Një 22-vjeçar nga Lazarati ka humbur jetën këtë të hënë pasi është goditur nga një rrufe.
Xhuljano Koçiu ishte duke kullotur bagëtitë në momentin kur ka rënë shkarkesa atmosferike. Edhe pse i riu është transportuar me urgjencë në drejtim të spitalit të Gjirokastër, ai nuk ka mundur të jetojë.
Ngjarja ka ndodhur në fushën e Luginës së lumit Drino, afër fshatit Bulo. 22-vjeçari nga Lazarati është viktima e dytë brenda pak ditësh që humb jetën nga rrufetë.
Në Shkodër u goditën tre anëtarë të një familje, teksa ishin duke punuar tokën. Rrufeja goditi një karrocë të ngarkuar e barë dhe për pasojë humbi jetën Veronika Luka 53-vjeçe, ndërsa u plagosën dy të tjerë, N.V. rreth 60-vjeç, dhe C. L. rreth 50-vjeç.
Njoftimi i Policisë:
Gjirokastër
Më datë 23.07.2018, rreth orës 17:15, ka ndëruar jetë shtetasi Xhuljano Koçiu, 22 vjeç, banues në Lazarat, Gjirokastër, pasi dyshohet se e ka goditur rrufeja.
Ngjarja ka ndodhur gjatë kohës që ky shtetas po kulloste bagëtitë në fushë.
Komente
Keqardhje djal i ri , ngushellime familjareve
PërgjigjuKeqardhje per fatin e djaloshit, ngushellime familjes.
Përgjigju