Armët e sekuestruara nga policia

Kronikë

Gjirokastër/ Gjenden 2 kallashnikovë në fshatin Bodrishtë, në kërkim poseduesi

16 Prill, 15:20| Përditesimi: 16 Prill, 15:31

  • Share

Gjirokastër- Policia sekuestruar 2 armë zjarri kallashnikov dhe municion luftarak, në fshatin Bodrishtë në Gjirokastër, të cilat do të dërgohen në Institutin e Policisë Shkencore, për ekspertim.

Shërbimet e Policisë kanë marrë informacion se në një banesë të pabanuar, në fshatin Bodrishtë, një person ende i paidentifikuar kishte fshehur aty armët e zjarri dhe municion luftarak. 

SIpas policisë, personi që kishte fshehur armët në banesë për shkak të presionit policor, armët e zjarrit dhe municionin luftarak i kishte hedhur në një kosh mbeturinash.

'Gjatë kontrollit të territorit, në bashkëpunim me punonjësit e pastrim-gjelbërimit, këta të fundit gjetën në një kosh mbeturinash, 2 armë zjarri  kallashnikov dhe municion luftarak. Armët e zjarrit do të dërgohen në Institutin e Policisë Shkencore, për ekspertim, për të parë nëse janë përdorur ose jo në ngjarje kriminale të mëparshme', njoftoi sot policia.   

Gjithashtu, një grup i posaçëm hetimor, në drejtimin e Prokurorisë, po punon për identifikimin dhe kapjen e shtetasit që posedonte armët e zjarrit dhe municionin luftarak.

Armët e sekuestruara nga policia

S.B/ReportTv.al
Komento

Komente

  • Sondazhi i ditës:

    Zgjedhjet e 11 majit, a e keni vendosur për cilën parti do votoni?