GJIROKASTËR - Dy të rinj u arrestuan nga policia pasi u kapën duke transportuar 5 emigrantë të paligjshëm në aksin rrugor Kakavijë-Gjirokastër.
Në kuadër të operacionit të koduar "Muzgu 2", policia ndaloi dy të rinjtë, 19 vjeç me iniciale E.T. dhe 18 vjeç me iniciale S.L. në vendin e quajtur "Kthesa e Jorgucatit".
Në këmbim të një pagese ata u kishin premtuar emigrantëve kalimin drejt vendeve të BE-së. Ata ishin drejtuar për në Tiranë me dy automjete, një tip "Audi A3" dhe "Mercedez Benz".
Policia sekuestroi dy automjete, 2 aparate celularë dhe 870 euro. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Komento
