TEPELENË- Një 27-vjeçar i shpallur në kërkim nga Policia e Tiranës në kuadër të operacionit antidrogë “Blic 34” është arrestuar në Tepelenë.
Shtetasi G. G. dyshohet se ka shitur kokainë, heroinë, ekstazi dhe kanabis në disa zona të Tiranës dhe ishte në kërkim me masë sigurie “Arrest në burg” nga Gjykata e Tiranës.
'27-vjeçari është me masë sigurie “Arrest në burg”, nga Gjykata e Tiranës, për veprën penale “Prodhimi dhe shitja e narkotikëve”, pasi dyshohet se ka shitur lëndë narkotike Kokainë, Heroinë, Ekstazi dhe Cannabis Sativa, në zona të ndryshme të qarkut Tiranë', njofton policia.
Arrestimi u krye pas bashkëpunimit mes strukturave të policisë në Tiranë dhe Gjirokastër, ndërsa veprimet e mëtejshme do të ndiqen nga DVP Tiranë.
Kujtojmë se ditën e djeshme në kryeqytet u godit një grupi i mirëorganizuar që shpërndante drogë në zona të ndryshme të Tiranës dhe pranë shkollave publike. Gjykata lëshoi 34 masa arresti, 27 prej të cilave u ekzekutuan dhe 7 të tjerë u shpallën në kërkim. G.G., ishte i radhës i kapur dhe arrestimet shkojnë tashmë në 28.
Lajmi kryesor:
Operacioni/ Droga në Tiranë shpërndahej me taksi dhe skuter elektrik! Një tjetër kapet në Tepelenë, dozat deri në 8 mijë lekë (DETAJET)
G.K/ReportTv.al
Komente
