Gjirokastër- Ishte shpallur në kërkim për akuzën e mashtrimit dhe më pas dënuar në mungesë me 9 muaj izolim, arrestohet në kufi duke hyrë nga Greqia në Shqipëri.
Burime zyrtare bënë me dije se si rezultat i kontrolleve të shtuara dhe i shkëmbimit të informacioneve me Policinë e Tiranës, Policia Kufitare kapi në hyrje të shpallurin në kërkim E. F., banues në kryeqytet.
“Gjykata e Tiranës e ka dënuar këtë shtetas, me 9 muaj burgim, për veprën penale "mashtrimi". Veprimet e tjera procedurale për këtë shtetas do të kryhen nga DVP Tiranë”, thuhet në njoftimin zyrtar të policisë vendore.
Materialet procedurale iu referuan Prokurorisë, për veprime të mëtejshme.
Komento
Komente
