Gjirokastër- Shpërthen zjarri tek transforatori elektrik në fshatin Kakoz, Bashkia Gjirokastër. Ngjarja ka ndodhur pasditen e sotme.
Në vendngjarje kanë shkuar forcat zjarrfikëse dhe rastësisht rrugës, informohet se konstatuan një tjetër vatër zjarri në fshatin Valare, në vendin e quajtur “Stallat”, afër një kabine elektrike.
Falë ndërhyrjes së shpejtë dhe të koordinuar të forcave zjarrfikëse, të dy zjarret u lokalizuan në kohë, pa shkaktuar dëme të mëdha materiale apo rrezik për banorët.
Kjo është vatra e tretë për ditën e sotme (5 korrik) në Gjirokastër, pas asaj që ra po pasdite pranë nënstacionit elektrik në rrethana pakujdesie nga një familje rome. Ndërhyrja e zjarrfikësve shmangu përhapjen e vatrës dhe përfshirjen e nënstacionit në flakë.
Komente
