GJIROKASTËR-Pas ngjarjes tragjike, ku 17-vjeçarja Irsa Muçollari, i dha fund jetës pasi dyshohet se bullizohej për shkak se ishte e varfër, Bashkia e Gjirokastrës ka vendosur t’i japë familjes së saj një ndihmë financiare prej 3 milionë lekësh.
Vendimi u mor gjatë një mbledhje të Këshillit Bashkiak më 14 shkurt, ku anëtarët e këshillit votuan unanimisht në mbështetje të familjes së vajzës. Ky vendim u mor në solidaritet me familjen dhe në njohje të situatës së vështirë që po kalojnë.
Si ndodhi ngjarja?
Ka dyshime se 17-vjecarja, banuese në lagje "18 shtatori", i dha fund jetës duke u vetëvarur në banesë pasi dyshohet se ishte bullizuar në shkollë. Një pistë kjo që po hetohet nga Prokuroria e Gjirokastrës. Hetimet nisën kryesisht, me indicie, pasi në rrjetet sociale u publikuan disa mesazheve të shkembyera nga shoket e saj të klasës, ku thuhej se nxenesja e vitit të parë ishte ofenduar në mësim nga një mësuese. Gjithashtu dy nxënës të shkollës thanë se 17-vjecarja kishte rënë pre e bullizmit, por pa dhënë më shumë detaje. Nga ana tjetër, Policia tha se 17-vjeçarja u dërgua në spital pasditen e 10 shkurtit nga babai i saj pa shenja jete.
Komente
